Home

Advertisement

Customize
srana le dei karni
ca masti
 12
3456789
10111213141516
17181920212223
24252627282930
Jun. 1st, 2007 @ 06:01 am co'u se tarbi
mi cinmo le ka: .ui nai cai
Tags:
do'e le mikce le mamta ba zi co'u se tarbi

mi na djica lo nu casnu gi'a pensi vau la'e di'e .i pe'u ro do do
xenru cusku va'o lo nu mi xamgu pendo do .i mi troci lo nu na pensi

mu'o mi'e .camgusmis.
vrici
Face
2 pinka
finti lo pinka
ze'e judri
May. 26th, 2007 @ 11:13 am vitke la'o zoi. BayCon .zoi
mi cinmo le ka: .ui .a'i ro'e
Tags:
mi vitke la'e la'o zoi. http://baycon.org/2007/index.php .zoi noi mi
nelci .i mi zgana so'i verba .e so'i cifnu .i mi joi le selprami cu
casnu lo nu rirni lo mencre ja jikca bo cizra verba .i lo verba mu'a
cu mutce nelci lo nu tcidu lo saske cfika cukta .i mi milxe terpa da
poi fadni ke menli nabmi gi'e srana lo simsa verba .i sa'e mu'a lo
nu te cuska lo te kusru kei .a lo nu dukse lo nu xamgu ke sevzi
skicu cu fadni .i ku'i lo remna cu pluja .i lo nu rivbi da poi menli
se rinka cu nandu .i mi pensi .i .ia mi sanji lo xamgu tadji .i ku'i
no roi birti

mu'o mi'e .camgusmis.
vrici
Face
finti lo pinka
ze'e judri
May. 24th, 2007 @ 07:15 pm la bakfu je cilta noi te bilma
mi cinmo le ka: .ii ru'e
Tags:
mi te cmene la'e la'o zoi
http://en.wikipedia.org/wiki/Cystic_fibrosis zoi la bakfu je cilta
.i le jei lo remna cu bilma fi la bakfu je cilta cu mapti le du'u ro
rirni cu se jgina fi lo srana spofu .i .ii ru'e le mamta cu srana se
jgina spofu .i ku'i mi na sanji tu'a mi .i .a'o le mikce cu ba zi
facki fi mi

ni'o ta'o le tarbi cu la'a mapti la'o zoi
http://www.visembryo.com/baby/16.html zoi

mu'o mi'e .camgusmis.
vrici
Face
finti lo pinka
ze'e judri
May. 22nd, 2007 @ 12:53 am pixra srera .u'u ru'e
mi cinmo le ka: .u'u ru'e
Tags:
mi pu srera .i pi so'a seltcidu po lo tarbi cu skicu lo temci be le
purlamji ke fetsi ciblu fasnu bei le cabna .i ku'i le pixra mutpapri
cu co'e le nu le sovda cu tolxruti gi'a co'a banro .i ku'i mi na
zgana la'e di'u .i le tarbi ca mapti la'o zoi
http://www.visembryo.com/baby/15.html zoi

mu'o mi'e .camgusmis.
vrici
Face
1 pinka
finti lo pinka
ze'e judri
May. 22nd, 2007 @ 12:48 am .u'u ro'a
mi cinmo le ka: zungi to .oi ji'a no cmavo toi
Tags:
mi srera .i mi pu ze'a sanji le du'u le selprami cu mutce djica lo
nu kurji le cifnu .i ji'a le selprami joi le mamtu cu tordu casnu .i
ku'i no da jungau le drata patfu .i le drata patfu .i'a sai na gleki
.i .a'o sai le drata patfu cu fraxu

ni'o mi tcetce djica lo nu zenba lo ka morji certu .i ku'i na ka'e
xamgu stika le besna .i pe'a doi .singularit. ko sutra

mu'o mi'e .camgusmis.
vrici
Face
finti lo pinka
ze'e judri
May. 18th, 2007 @ 11:45 pm mamta mamta le tarbi
mi cinmo le ka: .u'i sai
Tags:
pu ze'a lo djedi be li ji'i mu mi joi le mamta joi le drata patfu cu
vitke le mamta be le mamta be'o goi ko'a .i my goi le mamta cu dunda
ko'a le karda poi skicu le tcidu fo lo ka rirni mamta .i ku'i le
mensi be my pu zu rirni .i se ki'u bo ko'a na jimpe .i ba za bo mi
joi my joi le drata patfu joi le mensi cu casnu le du'u ko'a na
jimpe to le mensi ji'a te dunda le karda .i ku'i le mensi zi co'i
jimpe toi

ni'o ba zi bo le drata patfu cu cusku lu doi ko'a le karda cu te
tcidu ma li'u .i ko'a cu cusku lu gleki ke mamta ke salci djedi doi
rirni mamta li'u .i ba ze'a bo le flira be ko'a cu tcetce masno
jarco fi lo ka jimpe .i da'i lo nu sutra jimpe cu zdile .i ku'i le
nu masno jimpe ca'a mutce zdile

mu'o mi'e .camgusmis.
vrici
Face
finti lo pinka
ze'e judri
May. 17th, 2007 @ 04:45 pm pendo tcica cusku
mi cinmo le ka: .ui ro'e sai
mi tirna le se zgike po'u: la'o zoi BREAK DOWN! zoi po la'o zoi DDR zoi
Tags:
mi pu pensi tu'a lo nu verba cusku bo gunta .i mi so'i sai roi lirfi
gi'e mutce badri binxo .i mi tcetce djica lo nu le panzi ka'e jimpe
lo fadni je ka pendo kei nu tcica cusku poi frica lo nu cusku gunta
kei mu'i lo nu mi na kakne ca le nu verba .i lo nu gleki cu mutce
nandu va'o la'e di'u .i mi ni'i lo nu na jimpe le frica ca lo nu
verba cu na sanji su'o tadji be lo nu ctuca le panzi .i ta'o ta'i ma
da ctuca de poi da na jimpe ke'a

ni'o ku'i ca le cabna cerni mi binxo sanji .ua sai le du'u le mi re
mei rirni ji'i no roi pendo tcica bo cusku .i ju'a sai so'a fadni
ke makcu remna cu pendo tcica bo cusku cei broda .i mi .e ro pendo
di'i broda .i .ua sai na spaji fa lo nu mi no roi broda jimpe ca lo
nu verba .i ku'i .ua .ui sai mi joi le drata rirni cu di'i roi broda
.i se ni'i bo .a'o sai le panzi cu jimpe pu tu'a lo ckule

.ii nai ru'e

mu'o mi'e .camgusmis.
vrici
Face
finti lo pinka
ze'e judri
May. 16th, 2007 @ 11:51 pm pixra lo'e tarbi
mi cinmo le ka: .a'u
Tags:
le selprami .e mi ze'a pu je ze'a ba zgana la'o zoi.
http://www.visembryo.com/baby/index.html .zoi mu'i lo nu jimpe djica
.i mi'a tcetce se cinri lo tarbi ve pruce .i le tarbi ca ca'a se
pruce fo li pa ze ca'i ra

ni'o ji'a mi'a vitke le cukta zarci .i sy pu na'e mutce sanji le jei
no da sinma lo patfu .i ku'i so'u cifnu cukta poi steci srana lo
patfu cu zasti .i bo ji'a pi so'a ra se ralju lo nu sidju lo mamta
gi'e nai srana le se cinmo be lo patfu .i spaji sy .e nai mi .i ji'a
sy zgana no cukta poi steci srana lo nanmu nu kanro

mu'o mi'e .camgusmis.
vrici
Face
finti lo pinka
ze'e judri
May. 16th, 2007 @ 12:53 am risna rilti
mi cinmo le ka: .u'e cai
Tags:
ca le cabdei le mamta joi mi vitke le mikce .i mi pu tcetce terpa lo
nu le xadni be le mamta ba zi co'u se pagbu le tarbi .i le ni mi
terpa cu banzu le nu fanta lo nu mi sipna .i ta'o ru'e lo ninmu poi
simsa le mamta lo ka nanca zo'u lo nu co'u se pagbu cu pi ze mu cu'o
.i ku'i go'o

ni'o gau le mikce mi'a zgana le vidni be le tarbi bei ta'i tu'a lo
sance boxna be fu lo tcetce sutra .i le mikce cu facki gi'e jarco
vau le tcetce cmalu ke blabi se tarmi po'u le tarbi .i ji'a le mikce
cu jarco fi lo ka le se tarmi cu ritli stika lo ka gusni .i my xusra
le du'u la'e di'u cu risna ritli .i se mu'i bo mi curve le ka gleki
.i ji'a sai .ui cai my xusra le du'u di'e .i lo nu co'u se pagbu cu
pi pa mu cu'o lo nu le risna cu xamgu damri to le tarbi risna cu
go'i toi

ni'o .ui cai .a'e nai sai .u'e cai .a'o cai .ii nai ru'e

mu'o mi'e .camgusmis.
vrici
Face
finti lo pinka
ze'e judri
May. 15th, 2007 @ 05:13 pm bi'u tarbi
mi cinmo le ka: xanka to ma cmavo .oi toi
Tags:
mi pu za sanji lo nu mi te tarbi .i mi ba ciska lo so'i mei ke tarbi
srana ve cu'u dei .i se ki'u bo mi skicu lo vajni .i li'a sai le
tarbi cu vajni .i mi .ai sai cusku zo'e poi jbobau ku'o po'o ru'e le
tarbi .i se ri'a bo le tarbi ba .a'o sai pa moi lojbo verba .i lu le
verba li'u .e lu le tarbi li'u .e lu le se rirni li'u .e lu le cifnu
li'u cu tcita le tarbi

ni'o so'u drata remna cu vajni .i mi patfu to coi ro do toi .i ku'i
mi te cmene lo drata lo tcita .i le mamta cu mamta le tarbi to li'a
sai toi .i le drata se prami be mi be'o no'u le selprami cu na du le
mamta .i le selprami cu tcetce djica lo nu kurji le verba .i bi'u mi
joi le mamta joi le pendo be mi be'o no'u le se prami be le mamta cu
xabju da .i lu le drata patfu li'u cu tcita ri

mu'o mi'e .camgusmis.
vrici
Face
finti lo pinka
ze'e judri
Dec. 16th, 2006 @ 07:18 pm zdile se ra'a la'o zoi utf-8 zoi goi .u bu
mi cinmo le ka: zdile
mi tirna le se zgike po'u: la'o zoi Dance Floor Metaphor by Crüxshadows zoi
mi pu zi gasnu co stika le samtci be lo nu mi jitro lo to'e jibni
skami kei lo ka jimpe .u bu kei to le se brivla be zo stika cu spofu
.i ko krici mi toi .i ba zi bo mi festi te samymri da poi vasru lo
.u bu lerfu .i je so'u da cu mutce jai zdile mu'u la'o zoi
http://teddyb.org/~rlpowell/media/regular/hanzi_small.png zoi

.i li'a so'u le ti lerfu poi klesi la'o zoi
http://en.wikipedia.org/wiki/Hanzi zoi cu banzu lo ka da ka'e jimpe
.i ku'i so'i lerfu to'e ka'e se jimpe mu'u sai le ro moi lerfu poi
nenri le selcasnu .i ra mutce jai zdile

mu'o mi'e camgusmis
vrici
Face
finti lo pinka
ze'e judri
Nov. 22nd, 2005 @ 08:34 pm re mei cinri se ra'a le karce
mi cinmo le ka: jgira
mi tirna le se zgike po'u: zoi zoi PureDJ.com zoi
ni'o pa mo'o

.i ca le so'o moi purlamji jeftu mi .e ry .a bu cu klama fu le mi karce .i fi'o suksa bo le bifce cu vofli janli le jukni sorjontai .i ku'i .u'u mi bilga lo nu skicu lo purci .i pu za ku mi pofygau le pritu minra po le mi karce .i ku'i da poi vasru le minra cu stali .i je pu zi ku le jukni cu zbasu le sorjontai ne'i da .i bi'u le bifce cu janli ri .i .ua sai le jukni noi mi pu no roi viska cu mutce sutra klama le bifce .i fi'o xamgu funca bo ry .a bu noi ca le fasnu cu sazri le karce cu ca sazri gasnu no da .i se ki'u bo ry .a bu zifre lo nu catlu le fasnu ca lo nu mi krixa .i le jukni cu ze'i pencu le bifce gi'e ba zi bo sutra klama ba'a to'o le bifce .i ru'a le jukni cu milxe terpa le bifce gi'e ganse le nu le bifce cu na xamgu se snipa le sorjontai .i za'a le bifce ba zi vofli to'o le sorjontai

ni'o re mo'o

.i di'i ku mi ba lo nu mi me dy dy ry dansu cu xruti le zdani gi'e basygau le milxe xasne palku le sudga palku to mi basygau le tcetce xasne palku le ba zi milxe xasne palku ca lo nu mi zvati le dansu stuzi toi .i mi co'a lo nu gau mi basygau cu punji le karce ckiku le drudi be le karce .i .oi se'i mi so'o roi na morji le ckiku gi'e facki ri ca le bavlamji cerni .i ku'i pu za ku mi tolmorji le ckiku .i ku'i ry .a bu cu pilno le karce .i ca le bavlamji cerni mi facki le du'u le ckiku na nenri le palku .i .ua sai le ckiku ba'e ca'a cpana le karce .i ry .a bu pu klama le ry .a bu zdani gi'e xruti .i ku'i le ckiku ca'a cpana le karce .i mi .e ry .a bu mutce cmila gi'e se spaji

.i mu'o mi'e camgusmis
vrici
Face
finti lo pinka
ze'e judri
Jan. 3rd, 2005 @ 07:10 pm .o'a sai lo lisri be fi mi cu gubni binxo
mi cinmo le ka: jgira
mi tirna le se zgike po'u: la'o zoi The Arrogant Worms - Last Saskatchewan Pirate zoi
ni'o ni'o mi pu mutce gunka so'u lisri to ri .e pa na cfika selsku toi .i ku'i mi pilno lo xance skami poi na tcana la internet .i se ki'u bo no da poi na du mi cu tcidu

ni'o ta'o mi mutce nelci lo nu lo drata cu zanru da poi mi finti .i se mu'i bo mi na nelci la'e de'u

ni'o ku'i mi pu gunka lo ciste poi kakne lo nu benji lo selsku be mi lo samrxuebe pagbu .i mutce nandu to ra'u va'o lo nu mi finti so'i cinri ckaji be lo samtci toi .i ku'i mi snada .o'a .i mi mutce gleki lo nu ro da kakne lo nu tcidu lo lisri be fi mi

ni'o ro lisri cu ba'e na gubni .i pa lisri to poi vasru za'u xa ki'o valsi toi cu sivni mu'i lo nu mi djica lo nu gubgau ra se pi'o lo lojbo prina karni .a'o

ni'o mi ca di'i gunka tu'a la nicte cadzu .e nai lo drata .u'u

ni'o lo lisru cu se judri zoi zoi http://www.teddyb.org/~rlpowell/hobbies/lojban/palm/ zoi .i mi mutce pacna lo nu do nelci

ni'o ji'a lo samtci poi benji lo lisri selsku cu kakne lo nu benji lo samymri te zu'e tu'a lo nuzba be lo lisri nu galfi .i lo nu da'i do te mrilu djica cu mukti .e'o lo nu do samymri mi

co'o mi'e camgusmis
vrici
Whole
finti lo pinka
ze'e judri
Dec. 6th, 2004 @ 11:16 am mi jgira lo nu fanva
mi cinmo le ka: snada
mi tirna le se zgike po'u: no da
ni'o mi xenru lo nu na ciska ve cu'u dei .i ku'i mi mutce gunka lo drata poi srana la .lojban.

ni'o mi pu zi famgau lo nu favna lo javni be fi lo se kelci la .lojban. la .gliban. tu'a pa xa mu no valsi po'u la'o zoi http://www.lojban.org/tiki/tiki-index.php?page=la+cibyska zoi

mu'o mi'e .camgusmis.
vrici
Face
finti lo pinka
ze'e judri
Nov. 11th, 2004 @ 12:34 pm .u'u mi to'e morji
mi cinmo le ka: pensi
mi tirna le se zgike po'u: la'o zoi Toto -- Dune: Prologue - Main Title zoi
.i ji'a lo zgike be la'o zoi Katamari Damacy zoi cu mutce xamgu

mu'o mi'e camgusmis
vrici
Whole
finti lo pinka
ze'e judri
Nov. 10th, 2004 @ 03:52 pm mi pu za pi so'i roi kelci la'o zoi Katamari Damacy zoi
mi cinmo le ka: milxe cortu le betfu
mi tirna le se zgike po'u: la'o zoi Vangelis - Conquest Of Paradise zoi
ni'o ni'o ca so'i lo pu jeftu mi di'i nai kelci la'o zoi Katamari Damacy zoi goi ko'a .i mi mutce nelci .i ko'a cu tcetce lo ka to'e makcu zdile .i mi ciksi

to .oi sai mi slami cortu le betfu .i la'e di'u cu cafne ba'o lo nu farlu fi lo rajroksfe toi

ni'o ko'a cu skami kelci .i le se cfika be ko'a cu se lidne dei .i le nolraitru be ro munje cu snuti gasnu lo nu daspo ro tarci po le tsani be le terdi to le nolraitru cu mutce fenki gi'e to'e makcu zdile toi .i le nolraitru to poi tcetcetcetce clani se la'u so'i sai mitre be li pa no no toi cu minde le bersa be ri no'u le nolraitrube'a be ro munje to ji'a poi tcetcetcetce tordu se la'u ji'i mu centre toi lo nu zbasu lo tarci

.i la'e di'u cu fenki se tai tu'a lo ponjo po'o cai

ni'o lo tadji be lo nu zbasu lo tarci cu zmadu .ue fi lo ka fenki .i le nolraitrube'a goi ko'e cu bilga lo nu jmaji lo dacti tai lo bolci .i ko'e cu te dundu lo cmalu bolci poi cimni lo ka se snipa ro da .i le bolci to no'u la'o zoi Katamari zoi toi cu kakne lo nu jgari ro da poi zmadu lo ka cmalu ri .i le pa moi kelci pagbu cu jai co'a jgari lo cmalu pijne .e lo kelkubli .e lo sicni .i ku'i le ro moi kelci pagbu cu jai mo'u jgari lo barda dinju .e lo dilnu .e lo simsa

.i mutce fenki gi'e tcetce zdile

mu'o mi'e camgusmis
vrici
Whole
2 pinka
finti lo pinka
ze'e judri
Nov. 2nd, 2004 @ 01:51 pm dukse lo te jdice
mi cinmo le ka: .ua nai
mi tirna le se zgike po'u: la'o zoi VNV Nation - Further zoi
ni'o mi pu za merko turni cuxna .i ji'a ga'i ko ji'a cuxna .e'o cai va'o lo nu do merko remna

ni'o ku'i lo te cuxna pikta cu vasru so'i sai te jdice poi na srana lo merko turni remna to lu lo merko turni nanmu li'u cu zmadu lo ka drani vau .oi sai toi .i ne'i le pagbu be la kalifornias po mi mi bilga lo nu cuxna se ra'a ba'e re ba'e so lo te jdice .i mi djica lo nu da'i la'e di'u cu se xamgau .i ku'i na go'i .i lo nu jimpe ro lei te jdice cu mutce nandu mi

mu'o mi'e camgusmis
vrici
Whole
2 pinka
finti lo pinka
ze'e judri
Oct. 1st, 2004 @ 02:55 pm mi pilno le skami se cau lo dikca sa'e nai
mi cinmo le ka: amused
mi tirna le se zgike po'u: la'o zoi The Police - Spirits in the Material World zoi
ni'o le ve'a stuzi be le mi jibri dinju cu na te flecu lo dikca fo lo bartu .i ku'i le dinju cu vasru lo barda ke dikca matra minji .i se ki'u bo mi ca'o pilno le mi skami .i mi se zdile la'e di'u

mu'o mi'e camgusmis
vrici
Whole
finti lo pinka
ze'e judri
Sep. 15th, 2004 @ 04:15 pm mi di'i nai badri
mi cinmo le ka: badri
mi tirna le se zgike po'u: la'o zoi B.G.The Prince Of Rap - The Colour Of My Dreams zoi
ni'o ca'o le ca jeftu di'i nai suksa fa lo nu badri .i mi sanji no krinu .i ku'i ca ro lifri lo drata cu simsa lo krinu .i pe'i ro lo drata cu na srana .i le mi besna cu nitcu lo nu finti lo krinu .i mutce fanza .i la'o zoi Diablo II zoi cu sidju mi lo nu to'e jundi lo cinmo

ni'o mi pacna lo nu la baupla fuzykamni cu ba zi mulgau lo gadri .i .a'o la'e di'u cu rinka lo nu mi gleki

mu'o mi'e camgusmis
vrici
Face
finti lo pinka
ze'e judri
Sep. 11th, 2004 @ 11:42 am zdile mi
mi cinmo le ka: zdile
mi tirna le se zgike po'u: la'o zoi BitBlit - Long Distance Dedication zoi
ni'o zo'o srana la'o zoi Star Wars zoi .i

lu da'i do catra mi .i se ri'a bo mi binxo lo ka zmadu fa lo ka vlipa vau lo se xarpei be do li'u

ce'o lu sei vasxu savru se'u .y. mi na birti .i mi ka'e xarpei lo tcetce li'u

to simsa le pu se cusku be la'o zoi Han Solo zoi toi

.i mu'o mi'e camgusmis
vrici
Whole
finti lo pinka
ze'e judri